Apply SBI Debit Card Online | Hello friends aj hum is post me ghar baithe SBI Debit card online apply kaise kare ke bare me janenge. Jaisa ki aj ke digital daur me har kaam ko online internet ki madad se kiya ja sakta hai, thik waise hi aj ke samay me new SBI ATM/Debit card banane ke liye aapko bank branch me jane ki jarurt nahi hai, Aap ghar baithe online SBI ATM/Debit card ke liye apply kar sakte hai.
Aap online SBI ka koi bhi Debit card, Global International, Platinum, Gold International Debit card, Master car, Rupay, etc, card apply kar apne ghar par manga sakte hai.
Aap bank me jakr SBi ATM/Debit card ke liye apply karte hai to usme aapko kai sari formalities ko pura karna hota hai, Jisme kaphi samay lagta hai, So aj mai aapko is post me bataunga ki kaise aap kuch hi samay me apne ghar baithe hi online SBI ATM/Debit card apply kar sakte hai.
SBI ATM/Debit Card Online Apply Kaise Kare
Online SBI ATM/Debit card apply karne ke liye jaruri hai ki aapka net banking ki services active ho. Uske baad hi aap online ATM card ke liye apply kar sakte hai. Agar aapka net banking service active nahi hai to sabse pahle aap net banking services ko active kar lijiye. SBI net banking service ko aap online SBI ki official site se easily activate kar sakte hai.
To chaliye ab jante hai ki kaise hum online SBI ATM/Debit card apply kar sakte hai.
Step 1: Sabse pahle aap onlinesbi.com site ko open kar lijiye. Or apna Username or Password dalkar login kar lijiye.
Step 2: Ab SBI net banking dashboard me aane ke baad aap yaha upar menu me e-services wale tab par click kar ATM Card Services wale option par click kar lijiye.
Step 3: Ab next page me aapko kai option milenge jisme se aapko new ATM card apply karne ke liye Request ATM/Debit card wale option par click kar lijiye.
Step 4: Jaise hi aap Request ATM/Debit card wale option par click karenge to aapke samne ek page open hoga jaha par aapko kuch details fill karni hai.
- Account number select kare.
- Card Category me Debit card ko tick kar de.
- Name on the card me apna full name enter kare.
- Select type of the card me aapko kai types ke cards select karne ke option milenge aap apne jarurt ke anusar card ko select kar lijiye.
- I accept terms & conditions par tick kar de.
- Final me Submit ke button par click kar de.
Step 5: Ab next page me aapko aapki details confirm karni hai, aur aap ATM card jis address me magwana chahte hai use select karna hai.
- Registered Address: Agar aap anpne registered address jo ki aapne bank account open karte samay diya tha us address me ATM card magwana chahte hai to aap is option ko select ka le.
- New Address: Agar aap kisi other address me ATM card magwana chahte hai to is option ko tick kar address ko fill kar lijiye.
- Details check karne ke baad niche Submit ke button par click kar dijiye.
Step 6: Ab final step me verification process ko complete karna hai, Validate karne ke liye aapke pas 2 option hai ek Using OTP (Isme aapke registration mobile number par ek OTP ayega) Using profile Password (Isme aapko apne profile password ko enter karna hai) aap in dono se me apne according option ko select kar validate kar sakte hai.
Ab aapke SBI ATM/Debit Card ki request successful submit ho gayi hai, Ab aapka SBI ATM/Debit Card aapke address par 1-2 week me bhej diya jayega.
So yaha is post me bataye steps ko follow kar aap easily SBI ATM/Debit card online apply kar sakte hai.
I hope aapko yah SBI ATM/Debit card online kaise apply kare post achi lagi hogi.