Freelancing se paise kaise kamaye | Hello friends aaj hum top 5 best freelancing websites ke bare me janenge jinki madad se aap ghar baithe online kaam kar ache paise kama sakte hai. Agar aap me kisi bhi tarh technical, non technical etc. kaam karne ki skill hai to aap freelancer kaam kar ache paise kama sakte hai.
Freelancer ban kar aap apne marji se jab chahe tab kaam kar sakte hai or aap apne kaam ka price bhi khud se decide kar sakte hai.
Freelancing Kya Hai?
Freelancing ke bare me kai sare logo ko pata hoga, Jinhe nahi pata unhe mai bata deta hun freelancing me kisi bhi kaam official, technical, not technical etc. ko ghar baithe online kar paise kamana hai.
Simple sabdo me kahun to agar aapme koi esa talent hai jaise ki aagr aapko Web Designing, Video Editing, Content Writing, Transcription, Data Entry, Programming, Graphic Designing etc. jo kuch bhi aapko ata hai us kaam ko bina office jaye ghar se online kar paise kamane se hai.
Dosto agar apme bhi koi aesi skills hai or aap office jakar 8-10 hours ki job nahi karna chahte hai to aap apne skills ke anusar kaam ko select kar ghar se bhi online freelancing websites ki madad se kaam kar ache paise kama sakte hai. Aj ke samay me aese bahut se log hai jo freelancing websites par kam kar ache paise kama rahe hai.
- Internet Se Ghar Baithe Online Paise Kaise Kamaye Top 30 Best Tarike
- Wooplr Se Online Paise Kaise Kamaye – Open Your Online Store For Free
Freelancing Se Paise Kaise Kamaye
Ise hum ek example se samjhate hai –
Maan lo ki kisi ko apni company ke liye koi logo, website etc. kaam karwana hai to wo apne kaam ki requirements kisi freelancing websites me dalte hai, Ab hum jaise freelancer agar hum us work ko kar sakte hai to hum us client jisne job post kari hai us kaam ko karne ke liye use proposal send karte hai uske baad wo client humara proposal dekhega or use agar humara proposal acha lagta hai to wo hume hire kar kaam karwayega jiske badle wo hume payment dega.
Freelancer ko starting me kaam milna thodi pareshani hoti hai, but jab aap 4-5 project kar lenge to aapko job asani se milne lagegi. So jab bhi aap kisi kaam ko karne ke liye proposal send karenge to proposal ko ache se likh kar send kare or proposal usi kaam ke liye send kare jis kaam me aapko achi knowledge hai.
Freelancing websites me kaam karne ke liye aapko kisi bhi tarh ka certificate ya degree ki jarurt nahi padti hai, agar aapme koi skill hai to aap freelancing websites par kaam kar paise kama sakte hai.
Top 5 Best Freelancing Websites 2019
Internet par aise bahut sari freelancing website hai jaha par aap apne skills ke anusar kaam ko kar sakte hai. Yaha mai is post me aapko top 5 best freelancing websites ke bare me bataunga jo sabse jyada popular hai. In website par aapko har tarh ka kaam milta hai.
Yah ek bahut hi badhiya or popular freelancing website hai. Upwork par pure world se freelancer kaam karte hai. or kai sare freelancer upwork me kaam kar mahino ke lakho rupay kama rahe hai.
Upwork par aap Data entry, Web designing, Video editing, Photo editing, SEO services, Transaction, Graphics designing, Sale and marketing , Accounting etc. bahut sare kaam ko kar sakte hai. Aapko jis bhi kaam me achi knowledge hai us kaam ko select kar kaam kar sakte hai. Isme short term and long term dono tarh ke kaam milte hai.
Upwork par kaam karne ke liye sabse pahle Upwork par aakr sign up karna hota hai. Yaha par aapko signup karne ke koi fee pay nahi karni hoti hai ye free hai, Sign up karne ke baad aapko apni profile ko complete karna hota hai jab aap apni details daal kar use submit karenge to uske baad upwork aapke account ka review karegi uske baad aapke account ko approve mila hai ya nahi iske bare me aapko mail ke dwara bata diya jata hai.
Jab aapka account approved ho jayega to aap yaha apne skill ke anusar kaam ko search kar us kaam ko karne ke liye proposal send kar sakte hai, Proposal me aapko batana hota hai ki aap is kaam ko kitne din me, kitne paise me etc. sabhi details daal kar send karna hota hai uske baad agar aapka proposal client ko acha lagta hai to wo aapse contact kar us kaam ke liye aapko hire kar lenge.
Jab aap us kaam ko complete kar client ko send kar denge to client aapke paise ko Upwork account me send kar deta hai uske baad Upwork apna 20% charge kaat kar baki ke paise aapko de deta hai jise aap apne PayPal, Payoneer, direct bank account me le sakte hai.
Dosto yah ek bahut hi achi freelancing website hai, isme aap part time kaam kar ke ache paise kama sakte hai. Mai bhi is website ki madad se income kar raha hun.
Jab aap kisi kaam ke proposal send kare to proposal ko ache tarike se likhe jisse ki client ko asani se smajh a jaye or aapka proposal accept kar le. or aap usi kaam ke liye apply kare jisme aapko achi knowledge ho or aap us kaam ko time pe complete kar ke de sake.
Fiverr ek global market place hai jaha par services buy and sell ki jati hai. Wo bhi $5 me but aap apne kaam ke anusar price ko badha bhi sakte hai.
Fiverr par bhi aapko bahut sare kaam mil jayenge jinhe aap badi hi asani se kar sakte hai, jaise ki Graphics Design, Digital Marketing, Writing, Translation, Video editing, Programming, Virtual assistant, Facebook promotion etc.
Fiverr se paise kamane ke liye sabse pahle aapko fiverr par akr apne email id se account banana hota hai. Fiverr par account banane ke baad aap jis bhi field me expert hai us par ek GIG create karna hota hai. GIG me aap jo bhi work karna chahte hai usake bare me likhana hota hai.
Jaise ki maan lo aap logo banane me expert hai to aap ek gig create karenge jisme aap logo banana ke bare me details dalenge jaise ki aap logo banane ke kitna charge karenge, kitne din me complete kar ke denge etc. gig banane ke baad use aap publish kar dijiye. Ab kisi ko bhi apni company, website ya kisi or kaam ke liye logo banwana hoga to wo fiverr me aakar search karega ki uske liye logo kaun bana sakta hai aese me agar wo aapke dwara banaye gig ko dekhta hai or use aapka gig acha laga to wo aapse contact kar logo banwayega or aapko uske badle pay karega, Is prakar aap fiverr par gig create kar job pa sakte hai.
Fiver se earn kiye paise ko aap Paypal, Payoneer ya apne Bank account me le sakte hai.
Jaisa ki iske name se hi pata chal rha hai ki yah ek designing base freelancing website hai yah un logo ke liye best freelancing website ho sakti hai jinhe designing me achi knowledge hai. Yah website specially designing ke liye famous hai. 99design completely free hai aap is website par free sign up kar kaam kar sakte hai.
Agar aapko kisi designing software jaise ki Photoshop, CorelDraw, illustration etc. ke bare me achi knowledge hai to aap is website ki madad se ache paise kama sakte hai.
Isme aap kisi bhi tarh ka design jaise ki Logo design, Packing design, T-shirt design, Book cover design etc. kaam kar sakte hai.
Agar aapne pahle kai sare project par kaam kiya hai or aapko kisi kaam ka acha experienced hai to guru.com aapke liye bahut badhiya freelancing website hai yaha par ek work ke $200 se $300 tak mil jate hai.
Is website ki community bahut jyada hai, isame worldwide 3 million se bhi jyada member hai or is websi te par 1 million se bhi jyada job complete ki ja chuki hai or isaka payout amount bhi jyada hai.
Isme aapko kai sare job mil jayenge jaise ki Programming and Development, Designers, Writers, Sales Marketing etc. jis bhi kaam me aapko acha knowledge hai us kaam ko search kar aap kaam kar sakte hai. or is website ka design kaphi simple hai jisse ki isko samjhne or kaam karne me koi preshani nhi hogi.
5. Freelancer
Freelancer yah ek bahut hi badhiya website hai agar aap new freelancer hai to aapke liye ye website bahut hi badhiya hai isme aapko kai sare job mil jayenge jise koi bhi basic knowledge ke kar sakta hai.
Freelancer website me aap kai tarah ke kaam kar sakte hai jaise ki Data entry, Logo design, Graphic design, Translation, html, SEO, WordPress, Photoshop etc.
Freelancer website se paise kamane ke liye bhi sabse pahle aapko is website me aakar signup karna hota hai isme aap badi hi asani se apne gmail id se sign up kar sakte hai, isme aap free sign up kar sakte hai.
Signup karne ke baad aap apne skill ke anusar profile ko complete kar lijiye profile me aap apne skill yani ki aap kya kya kar sakte hai uske bare me likhiye. Uske baad ab koi bhi client jise koi kaam karwana ho wo freelancer website me aakr aapki profile dekhega or use aapki profile achi lagi to wo aapse aapse contact kar kaam offer karega.
Yah wo top 5 best freelancing websites hai jin par aap apne skills ke anusar kaam ko search kar online ghar baithe kaam kar paise kama sakte hai.
Ummid karta hun ki aapko ye freelancing se paise kaise kamaye post achi lagi hoti, agar aapke man me is post freelancing se paise kaise kamaye se related koi bhi doubt ya question ho to aap niche comment me puch sakte hai.
Bahut hi badiya likha hai aap ne.
Nice information
Ab mujhe bhi pehchana lo kyoki ab mei apke sath hu
Thanks